लंडन ऑलिंपिकसाठी 13,500 सैनिकांची गरज

Sports

लंडन, 16 डिसेंबर (पीएसआय)
लंडनमध्ये होणाऱ्या ऑलिंपिक क्रीडा स्पर्धेच्या सुरक्षेची कडेकोट  व्यवस्था केली जाणार आहे. ब्रिटिश संरक्षण मंत्री फिलिप हेमंड यांनी सांगितले की, यासाठी 13,500 सैनिकांना तैनात करण्याबरोबरच दोन लढाऊ जहाज, लढाऊ विमाने आणि जमीनीवरून मारा करणाऱ्या रॉकेटचा वापर केला जाईल. हेमंड यांनी गुरुवारी सांगितले की, ''ऑलंपिक क्रीडा स्पर्धा प्रत्येक पिढीत फक्त एकवेळ होते. त्यामुळे सर्व सहभागींना सर्वोच्च सुरक्षा व्यवस्था देणे ब्रिटनसाठी खूप आवश्यक आहे.
सरकारच्या योजनेनुसार पोलिस आणि नागरिक सुरक्षा संस्थांची मदत 5000 सैनिक करतील. 1000 निशस्त्र सैनिकांची गरज भासल्यास तैनात करण्यासाठी त्यांना तयार ठेवले जाणार आहे. इतर 1000 सैनिकांना लॉजिस्टिकमध्ये मदत देण्याच्या कामात लावले जाईल. उर्वरित 7500 सैनिक स्टेडियममधील सुरक्षेला मदत करतील.
खासगी सुरक्षा कंपन्या आणि स्वयंसेवींबरोबर 23,700 लोक सुरक्षेत तैनात असतील. हेलिकॉप्टरवाही लढाऊ जहाज एचएमएस ओशनला टेम्स नदीत तैनात केले जाईल. हे ब्रिटनचे सर्वात मोठे लढाऊ जहाज आहे.
ब्रिटनचे क्रीडा मंत्री ह्यू रॉबर्टसन यांनी सांगितले होते की, स्टेडियमच्या सुरक्षेवर नियोजित 33 कोटी यूरोऐवजी साडे 64 कोटी यूरो खर्च केले जातील.