अण्णांसाठी वीणाच्या आयटम साँगला कात्री!

National

मुंबई, २७ जानेवारी (पीएसआय

भ्रष्टाचाराच्या मुद्द्यावरील 'गली गली चोर है'ची स्पेशल स्क्रीनिंग समाजसेवक अण्णा हजारे यांच्यासाठी करण्यात आली. ते पाहिल्यानंतद अण्णांनी दिलेल्या प्रतिक्रियेनंतर राजकीय वर्तुळात अनेक प्रतिक्रिया उमटत आहेत. मात्र असेही वृत्त ऐकण्यात येत आहे की, जो चित्रपट अण्णांना दाखविण्यात आला त्यातून वीणा मलिकचे हॉट आयटम नंबर कापले होते.

याबाबत मीडियाने चित्रपटाचा नायक अक्षय खन्ना याच्याशी संपर्क साधला तेव्हा त्याने स्मित करीत चतुराईने उत्तर दिले की, अण्णा हजारे यांची प्रकृती सध्या ठीक नसल्याने आम्ही त्यांना जास्त त्रास न देण्याचा विचार केला. अण्णांना चित्रपट दाखविणे एवढाच आमचा उद्देश होता. चित्रपट लांब होऊ नये यासाठी वीणाच्या आयटम नंबरला वगळण्यात आले होते.

चित्रपट समीक्षकाच्या मते वीणाचे आयटम नंबर वाजवीपेक्षा जास्त अश्लील आहे. बॉक्स ऑफिसवर लोकांची गर्दी खेचण्यासाठी हे गाणे घेतले आहे. चित्रपट एका ज्वलंत मुद्द्यावर आहे. तो अण्णांना दाखवून प्रमोट करण्याचा प्रयत्न करण्यात आला.

अण्णांनी फक्त चित्रपटाचे कौतुक करावे, यासाठी आयटम साँग वगळण्यात आले. अन्यथा अण्णांनी वीणाचे हॉट गाणे पाहून चित्रपट आणि चित्रपटसृष्टीवर टीका केली असती.