National

नवी दिल्ली, 6 सप्टेंबर (पीएसआय)
पाच वाजून सहा मिनिट सात सेकंदाची वेळ, दिनांक आठ, महिना नववा आणि वर्ष दहा. अंकांची ही एक अनोखी साखळी (पाच ते दहापर्यंत) बांधणारी घटना उद्या बुधवारी समोर येणार आहे.
आठ सप्टेंबर रोजी घडयाळात जेव्हा पाच वाजून सहा मिनिट आणि सात सेकंद होतील तेव्हा 8 पर्यंतचे सर्व अंक एका ओळीत येतील. अंकांचे दर्शन आणि ज्योतिषावर विश्वास असणाऱ्यांना आठ सप्टेंबरला ग्रह आणि नक्षत्रांची विशेष कृपा राहू शकते.
ज्योतिषशास्त्रात अंकांना खूप महत्त्व असते. असे मानले जाते की, प्रत्येक अंकाचा स्वामी एक ग्रह असतो. जसे की पाच अंकाचा स्वामी बुध आहे. विशेष म्हणजे आठ सप्टेबरला बुधवार येतो. तर सहा, सात, आठ, नउ आणि दहा अंकांचे स्वामी क्रमश: शुक्र, वरुण, शनि, मंगळ आणि सूर्य आहेत. बुधवारी एकाच दिवशी सर्व ग्रहांच्या एकत्रित प्रभाव होत असल्याने लोकांना विशेष लाभ होउ शकतो.