Business

हैदराबाद, 5 नोव्हेंबर (पीएसआय)
सरकारने गंभीर फसवणूक तपास कार्यालय(एसएफआयओ)ला 78,000 कोटी रुपयांच्या सत्यम घोटाळयाचा तपास करण्यास सांगितल्याच्या वृत्ताचे खंडन आज कंपनी प्रकरणांचे मंत्री सलमान खुर्शीद यांनी केले आहे.
इन्स्टिटयूट ऑफ कंपनी सेक्रेटरी ऑफ इंडिया(आयसीएसआय)च्या एका संमेलनाप्रसंगी खुर्शीद म्हणाले की, एसएफआयओ कंपनी कायद्याच्या उल्लंघनाची चौकशी करत असून ती अंतिम टप्प्यात आहे. बहुतेक काम पूर्ण झाले आहे आणि काही किरकोळ कामे बाकी आहेत. एसएफआयओला चौकशी थांबविण्यास सांगितल्याचे वृत्त आधारहीन असल्याचे सांगत ते म्हणाले, विदेशांमध्ये झालेल्या घोटाळयांचा तपास एसएफआयओ करु शकत नाही या क्षेत्रातील तपास प्रवर्तन संचालनालय करते.