Business

नवी दिल्ली, 10 मार्च (पीएसआय)
जगभराच्या कार्पोरेट जगतात उच्च पदावर कार्यरत असलेल्या महिलांची संख्या खूप कमी आहे. मात्र भारतात या दृष्टीने फार शोचनीय अवस्था आहे. एका पाहणीनुसार देशात केवळ 9 टक्के वरिष्ठ व्यवस्थापकीय स्तरावरील पदांवर महिला कार्यरत आहेत. ग्राट थोरंटनच्या इंटरनॅशनल बिजनेस रिपोर्टमध्ये ही माहिती देण्यात आली आहे.
रिपोर्टनुसार जागतिक स्तरावर सध्या 20 टक्के वरिष्ठ व्यवस्थापकीय पदांवर महिला आहेत. ही संख्या 2009 मध्ये 24 टक्के होती. जगभरात सुमारे 38 टक्के कंपन्यांत वरिष्ठ व्यवस्थापकीय पदांवर एकही महिला नाही. अर्थात आशिया खंडात याबाबत स्थिती खूप चांगली म्हणावी लागेल. थायलंड, सिंगापुर, हाँगकाँग, चीनमध्ये महिलांचे प्रतिनिधित्व 30 ते 45 टक्के आहे. भारत, जपान व संयुक्त अरब अमीरातमध्ये कंपन्यांच्या उच्च पदांवर महिलांचे प्रमाण 10 टक्क्यांपेक्षा कमी आहे.
ग्रांट थोरंटन इंडियामध्ये सहयोगी असलेल्या करिश्मा फाटरफेकर यांनी सांगितले की, प्रत्येक महिलेला व्यक्तिगत जीवन आणि करियरमध्ये संतुलन ठेवावे लागते. दोन्हीपैकी एकाची निवड करावी लागली तर बहुतांश भारतीय महिला करियरच्या तुलनेत कुटुंबाला प्राधान्य देतात.
जगात थायलंडमध्ये वरिष्ठ पदेंवर सर्वात जास्त म्हणजे 45 टक्के महिला आहेत. त्यानंतर रशिया (36 टक्के), हाँगकाँग आणि फिलीपींस (दोन्ही देशांत 35 टक्के) महिला उच्च पदावर आहेत.